Let asseblief daarop dat hierdie boek voorheen gepubliseer is onder die naam Windvanger.
Na ‘n blitsromanse raak sjarmante Wessel van Rhyn verloof aan McKaylin Basson. Maar hy gebruik sy broer se naam in díé se afwesigheid om deure vir hom te laat oopgaan: Le Roux van Rhyn, ‘n gesogte, aantreklike en suksesvolle internasionale sakeman wat sy privaatheid én sy vrygesel-status jaloers beskerm.
En dis hierdie identiteitsmisbruik, leuens, beurtkrag en ‘n stukkende kragopwekker wat vir McKaylin lei tot ‘n nag van onbeteuelde passie in die regte hotelsuite, maar saam met die verkeerde man. Want die regte Le Roux het onverwags teruggekeer.
Wreed ontnugter en diep beskaamd vlug sy terug huistoe met ‘n wrok teen albei broers.
Le Roux se gedagtes bly egter onkeerbaar terugdwing na die wildvreemde vrou wat hy die oggend in sy bed ontdek het. Dis net ‘n kwessie van tyd voordat hy haar agternasit.
En dit word broer teen broer oor ‘n vrou wanneer Wessel obsessief raak oor haar.
Hoewel Le Roux die boere van hierdie land besonder simpatiekgesind is, maak hy skaamteloos daarvan gebruik om McKaylin – wat op ‘n plaas grootgeword het en wie se familie steeds boer – later te forseer om met hom te trou.
As iemand wat lank gelede reeds verleer het om liefde te herken, te wys of te erken, gaan alles vir hom bloot om die fisieke. Om sinlike bevrediging. Of só glo hy.
McKaylin, wat al haar gevoelens wegsteek agter ontoeganklikheid, vind dat sy, ondanks al haar pogings, hierdie seksuele roofdier nie kan weerstaan nie, maar sý soek na méér. Sy wil sy liefde óók hê.
Want die stug koningin van Groen Akker Kwekery is ook die windprinses van drome in die gelyknamige sprokie.
Na ‘n blitsromanse raak sjarmante Wessel van Rhyn verloof aan McKaylin Basson. Maar hy gebruik sy broer se naam in díé se afwesigheid om deure vir hom te laat oopgaan: Le Roux van Rhyn, ‘n gesogte, aantreklike en suksesvolle internasionale sakeman wat sy privaatheid én sy vrygesel-status jaloers beskerm.
En dis hierdie identiteitsmisbruik, leuens, beurtkrag en ‘n stukkende kragopwekker wat vir McKaylin lei tot ‘n nag van onbeteuelde passie in die regte hotelsuite, maar saam met die verkeerde man. Want die regte Le Roux het onverwags teruggekeer.
Wreed ontnugter en diep beskaamd vlug sy terug huistoe met ‘n wrok teen albei broers.
Le Roux se gedagtes bly egter onkeerbaar terugdwing na die wildvreemde vrou wat hy die oggend in sy bed ontdek het. Dis net ‘n kwessie van tyd voordat hy haar agternasit.
En dit word broer teen broer oor ‘n vrou wanneer Wessel obsessief raak oor haar.
Hoewel Le Roux die boere van hierdie land besonder simpatiekgesind is, maak hy skaamteloos daarvan gebruik om McKaylin – wat op ‘n plaas grootgeword het en wie se familie steeds boer – later te forseer om met hom te trou.
As iemand wat lank gelede reeds verleer het om liefde te herken, te wys of te erken, gaan alles vir hom bloot om die fisieke. Om sinlike bevrediging. Of só glo hy.
McKaylin, wat al haar gevoelens wegsteek agter ontoeganklikheid, vind dat sy, ondanks al haar pogings, hierdie seksuele roofdier nie kan weerstaan nie, maar sý soek na méér. Sy wil sy liefde óók hê.
Want die stug koningin van Groen Akker Kwekery is ook die windprinses van drome in die gelyknamige sprokie.
